2025eko urtarrilaren 15ean eta 16an, Know N Cheese proiektuaren partzuergoak aurrez aurreko bigarren jarraipen-bilera egin zuen, Donostian (honako hauek osatzen dute partzuergoa: Leartiker, Prosumerlab, Hazi, Viceko Unibertsitatera atxikitako BETA zentro teknologikoa, Idele eta Interprofession Lait de Brebis). Proiektuan egindako aurrerapenak berrikusteko balio izan zuen topaketak, eta inplikatutako entitate bakoitzak ordura arte egindako ekintzak, ateratako ondorio nagusiak eta 2025eko lehenengo seihilekoan jorratzeko lan-ildoak aurkeztu zituen.

Lehenengo egunean, kontsumitzaileek elikadura-jasangarritasunaren inguruan duten ezagutzari buruzko azterlanaren emaitzak aurkeztu zituen Prosumerlab bazkideak, eta ETEen betekizun lehiakorren inguruko diagnostikoaren berri eman, jasangarritasunari eta trantsizio ekologikoari dagokienez. Hala, ondorengo ekintza gehienen oinarria izango dira lanok.